Këngëtari i njohur shqiptar Ardian Bujupi është shumë aktiv në rrjetet e tij sociale ku poston foto dhe video të ndryshme. Së fundmi përmes një videoje të postuar në rrjetin e tij social Tik Tok, na ka prezantuar për herë të parë një pjesë të familjes së tij.
Këtë hap këngëtari nuk e ka marrë në mënyrë të pavetëdijshme, por përkundrazi ka përzgjedhur një nga trendët më të më të çuditshëm në këtë aplikacion.
Bëhet fjalë për një sound në të cilin Ardiani ngre pyetjen: “A jeni pjesë e mafies”.
Ky filtër konsiston në filmimin e familjarëve e njerëzve të afërt që duken të dyshimtë në pamje të jashtme.
Bujupi, krahas videos të bërë publike në rrjet ka shkruar “Familje shqiptare” ku ka vendosur në qendër të vëmendjes disa nga pjesëtarët e familjes së tij.
Në rrjet, kanë qenë të shumtë komentuesit që në formë shakaje janë dakord me këngëtarin që familjet shqiptare duken sikur janë pjesë e mafies.
Gjithashtu, Ardiani ka treguar se do të shkëputet për një periudhë kohe nga Instagrami. Në një status në Instastory ai shkruan se do jetë në kontakt me ndjekësit vetëm për lajmet më të bujshme.
“Është e turpshme se si Instagrami ka humbur gjithë fuqinë e tij për mua. Jo fuqi, jo likes, jo komente, Më vjen keq. Nuk kam më respekt. Fatkeqësisht do e distancoj veten nga kjo platformë. Do dëgjohemi vetëm për lajmet më të rëndësishme. Shihemi së shpejti”
Kujtojmë se, së fundmi këngëtari është përfolur për romanca me Sabrine Khan dhe Jasmin Kadirun por i ka mohuar të dyja duke thënë se është beqar.
