Mjekët japin alarmin se frekuentimi i pishinave, por edhe larja në det ka sjellë një numër të shtuar të fëmijëve me infeksione në sy, veshë dhe lëkurë.
Mjekët këshillojnë që prindërit të bëjnë kujdes për fëmijët duke i mbrojtur sytë me syze uji për ata më të rriturit, kapelet në mënyrë që të mos kenë kontakt të drejtpërdrejt me ujin dhe t’i mbrojnë nga dielli pasi infeksionet në sy sjellin shqetësime për fëmijët duke i bërë të grindur.
“Por nëse këto infeksione lihen pa trajtuar mund të shkaktojnë edhe dëmtime serioze në shikimin e fëmijës. Nëse anashkalohet këto mund të japin probleme të rënda me kornenë e syrit”, thekson mjekja Eneda Rustemi.
Nëse fëmija do të ketë sy të irrituar mjekët këshillojnë që prindërit të bëjnë vetëm shpëlarje me ujë pa përdorur medikamente që mund t’ua sugjerojë farmacisti dhe menjëherë të drejtohen tek mjeku.
