Mbrojtësi i Bracelonës Gerard Pique nuk është i njohur vetëm në futboll, por edhe në poker, mbrëmjen e kaluar ka fituar 129,350 euro në një Kazino të Barcelonës.
Qendërmbrojtësi përfundoi në vendin e pestë në një turne pokeri i quajtur “No Limit Holden” , ku vetëm regjistrimi në të kushton 25,000 euro, raportojnë mediat spanjolle.
Eventi i cili filloi në ora 12:30 të enjten më 24 gusht dhe mblodhi së bashku 66 pjesëmarrës, është pjesë e festivalit të pokerit të njohur si “Pokerstars Championship Barcelona” .
Kjo është hera e katërt që mbrojtësi i Barcelonës merr pjesë dhe kthehet në shtëpi me shuma të majme.
