Mjeku infeksionit Pëllumb Pipero ka rekomanduar se maska duhet të mbahet në ambiente publike, duke theksuar se është e domosdoshme që studnetët të jenë të pajisur me maskë kur të kthehen në auditor në qershor.
Gjithashtu Pipero vuri në dukje një studim se deri dje mendonim se fëmijët e dërgonin virusin në shtëpi, tani thuhet se fëmijët deri në 12 vjeç infektohen nga të rriturit dhe jo e kundërta.
“Rekomandohet që hapja të jetë rajonale, ku ka patur shumë pak raste ose aspak. Ka një studim të fundit që thotë se deri dje mendonim se fëmijët e dërgonin virusin në shtëpi, tani thuhet se fëmijët deri në 12 vjeç infektohen nga të rriturit dhe jo e kundërta. Strategjia që po ndjekim ne është më adekuate. Maskat duhet të vendosen në ambiente publike, nuk është e nevojshme të vendoset kur jemi në rrugë. Po sigurisht duhet të ketë. Duhet me doemos të mbahet maska me studentët kur jeni në ambiente të mbyllura”, tha Pipero në “Zonë e Lirë”.
