Kryeministri Edi Rama ka njoftuar sot se nga dita e enjte do të nisë zbatimi i urdhrit për mbajtjen e maskës me detyrim edhe në rrugë, ndërsa do të aplikohet edhe gjobë.
Në mars të këtij viti në studion e emisionit “Opinion”, mjeku Pëllumb Pipero, foli lidhur me masat mbrojtëse kundër përhapjes së koronavirusit, ku u ndal edhe tek mënyra e përdorimit të maskave dhe dorezave. Ai pohoi se përdorimi i maskave në rrugë, nuk ka asnjë lloj vlere.
Pipero: Dua të ndaj një mendim, që bazohet në udhëzimet e OBSH. Përdorimi i maskave në rrugë sic i shoh çdo ditë, në majë të biçikletës a ku di unë, nuk ka asnjë lloj vlere. Shumica e atyre që shoh unë i mbajnë gjithë ditën, dorezat po ashtu. Ato lloj masksh që kanë qytetarët janë për personat e sëmurë.
Fevziu: Nuk të mbron?
Pipero: Të mbron maksimumi 2 apo 3 orë për të mos nxjerr spërklat. Mund t’i përdorësh kur hyn në një mjet të transportit publik, në metro, nëse shkon në spital.
Fevziu: Ju kam parë që ju vini pa maskë…
Pipero: Dorezat që unë kam parë, që i përdorëin vend e pa vend edhe në vende shërbimi, janë një përdorimëshe. Ca dmth një përdorim? E more, përdore telefonin, duhet ta hedhësh. Jo që shet bukën, ndan lekët…Është 100 herë më mirë duke larë duart me ujë dhe sapun. Nuk janë higjenike, nuk janë të shëndetshme, nuk ka nevojë të përdoren.
