Bashkëshortja e Pharrell Williams ka sjellë në jetë trinjakë. Këngëtari i hitit “Happy” dhe bashkëshortja e tij Helen Lasichanh, të cilën janë prindër të një djali 8-vjeç Rocket, kanë mirëpritur ardhjen në jetë të trinjakëve në fillim të këtij muaji.
Ka qenë zëdhënësi i këngëtarit, ai që ka bërë publik këtë lajm për revistën “Vanity Fair”, por ai ka refuzuar të zbulojë gjininë apo emrat e fëmijëve.
Pavarësisht se Helen ishte fotografuar disa herë me barkun e saj të fryrë, nuk është zbuluar se ajo ishte në pritje të trinjakëve.
Sipas zëdhënësit familja është shumë e lumtur. Ai gjithashtu ka shtuar se Helen dhe 3 fëmijët gëzojnë shëndet të plotë.
