Pezullohen nga detyra tre mjekë të Spitalit Pediatrik të Elbasanit, të cilët ishin vënë nën akuzën për vdekjen e një fëmije një vjec me 21 mars të këtij viti.
Me kerkesë të Prokurorisë së Elbasanit, gjykata ka vendosur masën ndaluese “pezullim nga detyra” për mjekët Doreida Shuku,Edmont Laho, Fadil Brazhda, të dyshuar për veprën penale të ‘mjekimit të pakujdesshem” me pasojë vdekjen e femijës A.T.
Prokuroria e Elbasanit ka ngritur grupin hetimor menjeherë pas marrjes së njoftimit.
“Ne kuader të veprimeve hetimore, Prokuroria ka urdheruar kryerjen e ekspertizës mjeko-ligjore, në baze të të cilës rezultoi se e mitura ka humbur jetën per shkak të pakujdesisë së mjekëve, të cilët nuk kanë kryer procedurën standarte të mjekimit në bazë të të cilës mund të ishte shpëëtuar jeta e femijës” thuhet në njoftimin e Prokurorisë.
Nga ekspertiza mjeko-ligjore, e mitura ka humbur jetën për shkak të bllokimit të rrugëve të frymëmarrjes nga një cope arre, të cilen e kishte kapërcyer femija një-vjecare.
Ky fakt nuk është kuptuar nga mjeket pediatër, bën me dije Prokuroria. Sipas ekspertizës mjeko-ligjore, mjekët e Spitalit Pediatrik Elbasan, nëse do të kishin ndjekur protokollet standarte, duhet të kishin pasur mundesinë që të konstatonin shqetesimin shendetësor të femijës dhe jeta e saj mund të ishte shpëtuar me anën nderhyrjes së nevojshme kirurgjikale.
Në bazë të rezultateve të ekspertizës, Prokuroria e Elbasanit ka krijuar dyshimet e arsyeshme se tre mjekë të Spitalit Pediatrik kanë konsumuar elementet e vepres penale të “Mjekimit të pakujdesshem”.
Për këtë arsye, Prokuroria kërkoi “pezullimin nga detyra”, e cila u pranua nga gjykata e këtij qyteti.
