Akt të pakuptimtë dhe të turpshëm e cilëson Ministri në Detyrë për Evropën dhe Punët e Jashtme, Gent Cakaj çmimin “Nobel” për Letërsinë i fituar nga shkrimtari austriak Peter Handke.
Cakaj shprehet i mërzitur që ky çmim i është dhënë një personi që ka mohuar genocidin.
“Si një njeri i pasionuar me bukurinë dhe fuqinë e përjetshme të letërsisë për të pasuruar përvojën njerëzore dhe si viktimë e spastrimit etnik dhe gjenocidit, jam i mërzitur nga vendimi për ti dhënë Çmimin Nobel në Letërsi një mohuesi të genocidit. Çfarë akti i pakuptimtë dhe i turpshëm”, shkruan Cakaj.
Kujtojmë që Handke është një shkrimtar i urryer për shqiptarët e Shqipërisë dhe të Kosovës, pasi njihet për deklaratat dhe qëndrimet e tij antishqiptare, por edhe si adhurues i liderit serb, Sllobodan Millosheviç.
