Presidenti Ilir Meta ka kujtuar sot shembjen e murit të Berlinit, duke ndarë me ndjekësit e tij në rrjete sociale këngën e grupit “Europe”. Në postimin e bërë, Meta shkruan se liria, demokracia dhe të drejtat e njeriut do të triumfojnë gjithmonë.
“Çdo mur, që na ndan sot nga Europa e Bashkuar, është i destinuar të shembet! Liria, të drejtat dhe dinjiteti njerëzor, demokracia dhe shteti i së drejtës do të triumfojnë padiskutim! Të bashkuar rreth këtyre vlerave do të afrohemi më shpejt drejt Europës! Gëzuar përvjetorin e Shembjes së Murit të Berlinit!,”-shkruan Meta.
POSTIMI I PLOTË:
Mbrëmjen e 9 nëntorit 1989, ra Muri i Berlinit prej 155 kilomerash, që ndante Gjermaninë Perëndimore nga ajo Lindore, që për ironi të fatit quhej “Demokratike”. Ndarja e dy Gjermanive zgjati 28 vjet.
