Julian Çela, i riu që humbi gjymtyrët e poshtme pas një shpërthimi me eksploziv ishte i ftuar “Abc-në e mëngjesit” për të folur për vështirësitë që ka kaluar. Çela u shpreh se personat me aftësi të kufizuara nuk kanë marrë ndihmë nga shteti, ndërsa apeloi këtë të fundit për të marrë në konsideratë nevojat dhe kërkesat që ata kanë.
Teksa rrëfeu se është i punësuar në një kompani telefonike, Çela tha se është një sfidë e madhe për personat e kësaj kategorie që të arrijnë të punësohen. Për këtë, ai iu bëri thirrje të gjithë bizneseve për të bërë të mundur punësimin e tyre.
“Dua t’ju bëj thirrje bizneseve që edhe pse iu ka ndryshuar jeta mund ta bëjnë një punë. Dikush që e kam patur tek futbolli nuk ka njërën dorë, dhe ku ka shkuarr aty ka thënë më provo mund ta bëj diçka. Përveç traumës që kanë kalaur, po përballen dhe me këtë.”, tha Çela.
Pas historisë së trishtë të të riut, përfaqësuesi i Joma-s në Shqipëri kontaktoi për të bërë me dije se uniformat për skuadrën e futbollit të të amputuarve do të mundësohet nga kompania e tyre./abcnews
