Gjatë një sulmi të armatosur të dielën në shtetin verior Katsina të Nigerisë, njëmbëdhjetë persona kanë humbur jetën, bëri të ditur policia, transmeton Anadolu Agency (AA).
Persona të armatosur mbërritën me motoçikleta pasdite në fshatin Tsatskiya, duke qëlluar me armë mbi banorët.
Njëmbëdhjetë banorë të fshatit humbën jetën në sulm, tre njerëz u plagosën dhe qindra u larguan nga shtëpitë e tyre.
Zëdhënësi i Policisë së shtetit Katsina, Isah Gambo, konfirmoi sulmin dhe tha se forcat e sigurisë janë dërguar në zonë.
Përdorimi i motoçikletave është ndaluar në disa shtete në Nigeri për shkak të sulmeve të fundit nga persona të armatosur.
Pjesa veriore e vendit të Afrikës Perëndimore është prekur nga një krizë shumëdimensionale që është e rrënjosur në tensionet e gjata midis grupeve etnike dhe fetare dhe përfshin sulme nga grupe kriminale dhe banditizëm.
