Në aktivitetin me temë: “Persekutimi i shqiptarëve të Çamërisë përgjatë regjimit komunist”, kryetari i PDIU-së, Shpëtim Idrizi, ku deklaroi se shqiptarët e çamërisë, vuajtë nga dy persekutime, i pari nga tirania e shtetit grek edhe e dyta nga diktatura komuniste.
Idrizi tha se jemi i vetmi vend që kemi vuajtur prej 50 vjetësh një regjim komunist që krimet e të cilit akoma nuk janë dënuar edhe në ditët e sotme.
“Ka qënë një fill i kuq që ka shoqëruar çdo anëtarë të Shoqatën Çamëria, madje kanë qënë dy të tilla. E para ishte persekutimi, shpërngulja, genocidi i ndodhur gjatë viteve 1913 -1950 nga tirania e shtetit grek dhe e dyta persekutimi nga filli i kuq komunist që na ka ndjekur dhe po na ndjek vazhdimisht. Sot është rasti për të kujtuar vlerësuar të gjithë ato burra si Teme Sejko, Taho Sejko e shumë të tjerë që sot ne na bëjnë krenar që krijuan çetën e parë pikërisht për të mbrojtur zonën e Çamërisë. Ishte pikërisht zona e Konispolit që ka ndjerë persekutimet më të mëdha deri në vitet 60 ku elita çame u persekutua. Jemi i vetmi vend që kemi vuajtur prej 50 vjetësh një regjim që ishte jo vetëm diktatorial por që i zhveshi shqiptarët nga gjithçka. I zhveshi nga besimi në zot, i zhveshi nga ekonomia, i zhveshi nga nga çdo llojë gjëje tjetër për të cilën ne ishim krenarë. Ne jemi sot i vetmi vend që kemi vuajtur 50 vjet nga regjimi më gjakatarë në të gjithë Europën Lindore. Ne sot si shoqëri nuk i kemi dënuar atë sistem. “Fantazmat e kuqe” na shfaqen dhe sot në shoqërinë shqiptare. Është e pamundur se si institucionet shqiptare nuk kanë një dënim për atë sistem. Nuk kemi ndarë si shoqëri nga e kaluara, për të dënuar sistemin komunist, që ishte i vendosur në mënyrë jo të natyrshme në Shqipëri. Na vinte nga Rusia Sovjetike. Ne nuk bëmë asnjë radiografi të sistemit sovjetik. Do doja të kthehesha tek ajo që ka ndodhur me shqiptarët e Çamërisë. Nëse ka pasur persona kundër këtij regjimi, ka qenë komuniteti çam. Ne kemi marrë nisma konkrete në parlamentin e Shqipërisë. Do doja të kujtoja nismën e parë për heqjen e dekoratave për “kapelet e kuqe”. Ka nevojë që të njohim historinë e diktaturës. Duhet t’i shpjegojmë fëmijëve tanë se ça ka qenë ai regjim diktatorial. Dua një nderim për të gjithë ata shqiptarë të Çamërisë që u vranë dhe u persekutuan.”, është shprehur Idrizi.
https://www.facebook.com/pdiu.al/videos/533555667272338/
