Është tensionuar protesta në këto momente në zonën e Astririt në Tiranë. Disa qytetarë kanë mbetur të lënduar pas përplasjes me policinë, ndërsa 4 persona janë shoqëruar me forcë, mes tyre dhe ish-deputeti demokrat Klevis Balliu.
Mes 4 personave të shoqëruar ishte dhe Florian Protoduari, babai i Dorian Protoduarit, që mbahet prej disa muajsh në burg.
Policia ka hedhur një gaz helmues në zonë, ç’ka ka bërë që disa prej qytetarëve të ndjejnë shqetësime me frymëmarrjen dhe me shikimin.
Ata janë shprehur se do të mbrojnë me çdo kusht shtëpitë e tyre, dhe se pas 7 muajve protestash kryeministri është i detyruar që t’i dëgjojë.
Teksa ishte në furgonin e policisë, ish-deputeti Balliu u shpreh se shqiptarët duhet të marrin armët në mënyrë që të mbrojnë shtëpitë e tyre.
“Ne do të kthehemi më të fortë, shqiptarët duhet të marrin armët dhe të mbrojnë shtëpitë e tyre”, u shpreh Balliu.
Kujtojmë se protesta e sotme ishte e paparalajmëruar, dhe banorët u organizuar pas informacioneve që kishin se në zonën e Fabrikës së Miellit do të ishte i pranishëm kryeministri Rama.
Pamje nga FaxWeb:
