Në ditën e 14 të grevës së urisë, naftëtarët në Ballsh janë përleshur ditën e sotme me forcat e policisë.
Naftëtarët janë grumbulluar përpara portës së Uzinës. Ata thanë se do të marrin librezat e punës. “Jemi pa bukë. Kërkojmë pronarin. Do të presim 10 minuta sa gjërat të marrin zgjidhje”, kanë thënë naftëtarët.
Uzina ruhet nga policët privatë, me të cilët naftëtarët janë përleshur. Naftëtarët bëjnë thirrje që të hapen portat e uzinës, pasi pretendojnë se brenda në uzinë nuk ka njeri, e prandaj duan të hyjnë brenda.
Në mbështetje të naftëtarët e Ballshit është vënë edhe Sindikata e Fermerëve të Bashkuar të Shqipërisë.
Kreu i Shoqatës së Fermerëve Eduart Sharka tha se janë në mbrojtje të naftëtarëve dhe se edhe fermerët kanë të njëjtat problematika me ta.
