Deputeti i PD-së Luçiano Boçi i cili është në mbështetje të banorëve të fshatit Mengel në Elbasan që protestojnë kundër mbylljes së shkollës, i ka kërkuar drejtorit të Policisë Altin Qato që asnjë nga protestuesit të mos arrestohet.
Siç shihet dhe nga videoja e siguaruar nga ‘Fax News’ Boçi debaton me drejtorin Qato dhe thotë se ka të shoqëruar në polici, diçka që Qato e mohon të ketë ndodhur.
Për shkak të gjendjes së tensionuar në vendngjarje ka mbërritur dhe nënkryetari i Bashkisë Elbasan Klevis Xhaxha i cili ka qëndruar vetëm 10 minuta dhe protestën e ka konsideruar politike. Banorët nuk janë lejuar të komunikojnë me të.
Vetëm para disa minutash gjendja në Mengel u tensionua së tepërmi ku policia ushtro dhe dhunë. Pamjet e siguruara nga ‘Fax News’ tregoninin gjendjen dramatike, ku fëmijë që qanin shpreheshin se ishin goditur nga policia.
Në një video të siguruar nga Faxweb.al duken fëmijët të traumatizuar, duke qarë dhe shprehen se janë goditur nga Forcat Speciale.
“Më gjuajtën policët te koka!” dëgjohet të thotë një djalë i vogël i cili është i përlotur.
Banorët dhe fëmijët shprehen se do të qendrojmë deri në orën 4: Deri sa të vijë përfaqësuesi i ministrise së Arsimit nuk lëvizim!
https://www.youtube.com/watch?v=1duEAA76eDM
https://www.youtube.com/watch?v=pojGK7rk3AQ
/Faxweb/
