Detaje të reja janë zbuluar nga konflikti mes disa të rinjëve në Fier, që përfundoi me të shtëna me armë zjarri brenda Spitalit Rajonal të Fierit.
Sherri ka ndodhur mes familjeve Zhapa dhe Braçe në fshatin Levan, ku si pasojë katër persona kanë mbetur të plagosur me sende të forta dhe mjete prerës.
Ndërkohë, sherri ka vazhduar edhe në spital, ku është plagosur me armë zjarri shtetasi Aleksandër Zhapa, i cili është jashtë rrezikut për jetën. Autori i ngjarjes i rrëmbeu armën një punonjësi policie dhe qëlloi, duke plagosur Aleksandër Zhapën.
Si pasojë e përplasjes midis dy familjeve, kanë mbetur të plagosur me sende të forta, Gentjan Zhapa dhe Aldi Zhapa, ndërsa me thikë janë plagosur Klajdi Lamaj dhe Erlind Muçaj, të cilët ndodhen në reanimacion.
