Pas përplasjes me armë zjarri mes policisë greke dhe disa trafikantëve shqiptarë ku njëri prej tyre mbeti i vrarë dhe një polic grek u plagos lehtë nën sqetull , policia greke ka vënë në gadishmëri gjithë forcat kufitare për kapjen 4 trafikanëtve shqiptarë.
Për kapjen e tyre pritet edhe mbërritja e forcave speciale greke EKAM. Ndërkohë edhe në Gjirokastër ka forca të shtuara të policise ku janë të pranishme dhe forcat DELTA
Policia greke thotë se në vendngjarje ka gjetur dy kallashnikovë dhe se vazhdon ndjekjen ndaj 4 shqiptarëve të tjerë. Gjithashtu në vendgjarje janë gjetur 100 kg marijuanë.
“Kemi gjetur 2 Kallashnikove ne vendin e ngjarjes. Po vazhdojmë kerkimin për shqiptaret. Po tentojnë të futen në Shqipëri.
Jemi në ndjekje te 4 shqiptarëve. Ne vendngjarje mund te jene rreth 100 kg marijuana. Eshte rrethuar zona e Pogonit ne Janine”, njofton policia greke.
Ende nuk dihet identiteti i shqiptarit që ka mbetur i vrarë në shkëmbim zjarri.
Kujtojmë që më pak se 1 muaj më parë në Bularat u vra minoritari grek Kostandinos Katsifas në një shkëmbim zjarri me policinë shqiptare. Katsifas pasi kishte qëlluar mbi policinë vendore të Gjirokastrës nuk i ishte bindur as urdhrit të RENEA-s për tu dorëzuar, por kishte qëlluar mbi ta.
Ngjarja solli shumë tension mes dy vendeve. Në ceremoninë e tij të varrimit morën pjesë rreth 1500 grekë të cilët në kor bënë thirrje raciste ndaj Shqipërisë. Kjo bëri që shteti shqiptar 52 prej shtetasve grekë t’i shpallte ‘non grata’.
