“Ky është një incident që nuk ka lidhje me vlerat demokratike të partisë”
Një incident që nuk ka lidhje me vlerat demokratike të brendshme të Partisë Socialiste. Kështu e kanë cilësuar përplasjen që ndodhi me socialistët e Elbasanit, teksa deputeti Ben Blushi po bënte diskutimin e tij, deputetet socialiste Mimoza Hafizi dhe Arta Dade. Dy koleget e Blushit kanë kërkuar që incidenti në fjalë të diskutohet në mbledhjen e grupit parlamentar. Grupi PS duhet që ta trajtojë këtë incident, i cili nuk ka lidhje me vlerat demokratike, kanë thënë për mediat deputetet Dade e Hafizi. Në takimin e socialistëve në Elbasan, gjatë kohës që deputeti Ben Blushi po mbante një fjalim është fishkëllyer dhe i është kërkuar që të dilte jashtë, një incident ky që gjeti pasqyrim të gjerë në media.
