Një shtetas ka gjetur vdekjen në një aksident rrugor që ndodhur pasditen e sotme në aksin rrugor Korçë-Pogradec në fshatin Leshnicë.
Burime zyrtare thanë se një 30 vjeçar me iniciale A.V, është përplasur për vdekje nga një automjet.
Mjeti tip Mercedez-Benz, drejtohej nga shtetasi Arben Burnazi, i cili është shoqëruar në polici.
Deklarata e policisë: Njoftohemi se në rrugën nacionale Korçë-Pogradec, pranë fshatit Leshnicë, shtetasi Arben Burnazi banues në Pogradec, duke drejtuar automjetin tip “Mercedes-Benz” me targa PG 5807 B, ka aksidentuar me pasojë vdekjen e menjëhershme shtetasin A.V rreth 30 vjeç, banues në Leshnicë, këmbësor në rrugë.
Drejtuesi i mjetit ndodhet i shoqëruar në ambjentet e Komisariatit. Grupi hetimor në vendngjarje, po punon për zbardhjen e rrethanave të ngjarjes.
