Një gomone me emigrantë u përmbyt në një breg shkëmbor në pjesën jugore të Lesvos, në rajonin Fara, pranë Greqisë. Për pasojë humbi jetën një foshnje. Babai raportoi se anija u përplas në shkëmbinj dhe, në përpjekje për të dalë në breg, foshnja ra në det. Më pas emigrantët u ngjitën në një pikë më të lartë në zonë.
Në mesditë është njoftuar porti i Mitilinës dhe një ambulancë e KY Plomari, e cila ka marrë foshnjën e vdekur. Foshnja u dërgua në spitalin Bostanio për autopsi.
Sipas mediave greke, në gomone ndodheshin 34 persona, kryesisht me origjinë afrikane. Dy prej tyre kanë marrë lëndime të lehta në këmbë.
