Debate në Komisionin e Ekonomisë mes Ministrit të Financave dhe Ekonomisë, Arben Ahmetaj dhe deputetit socialist Erion Braçe.
Debati mes tyre ka nisur për lojërat e fatit, ku Braçe tha që nuk iu beson fushatave dhe nga 1 janari i vitit të ardhshëm, të gjitha pikat e basteve dhe lojërave të fatit duhet të largohen nga lagjet.
Braçe është ndalur taksat vendore dhe agroturizmi. Braçe i ka përmendur Ahmetajt një rast të një kantine vere në Berat.
Erion Braçe: Nga 30 Dhjetori do mbyllen lojërat e fatit nëpër lagje. Nuk kam durim që të dëgjoj akuza politike për lojërat e fatit.
Arben Ahmetaj: Do reflektojmë. Do shohim si do e bëjmë. Po mo po, kryetar.
Braçe: Nga kongresi kemi këtë pikën këtu, pa asnjë lloj diskutimi që më pëlqejnë argumentet tuaja. E thatë me të vërtetë atë argumentin për tatimin mbi fitimin tek pijet, por në një rast të ngjashëm kemi vepruar ndryshe. Kjo lidhet thjesht dhe vetëm me produktin e prodhuar jashtë njësisë. Jo më larg se dje kam parë strukturën. Në qarkun e Beratit i bie të mos përfitojnë. Agro-turizmi për një arsye të thjeshtë, sepse ajo është një kantinë.
Ahmetaj: Kryetar unë nuk bie dakord me ju, për dy arsye. Është shumë e vështirë të kontrollosh agro-turizmin siç kontrollohen hotelet. Mos ta cënojmë shëndetshmërinë fiskale me emocione. Jemi mirë.
Braçe:Zoti ministër besoj se ju e dini se vera nuk është alkool por pije alkoolike. Më pëlqen pasioni juaj…
Ahmetaj: Unë jam pasionant për punën që bëj.
