Dy trena janë përplasur në një stacion në Alpet zvicerane, në fshatin Andermat, dhe si pasojë të paktën 30 persona kanë mbetur te plagosur.
Aksidenti ndodhi pak para mesdite, ku një tren i kompanisë Matterhorn-Gotthard, i përbërë nga lokomotiva dhe 4 vagonë, me të cilin udhëtonin 100 persona, u përplas me një tjetër tren të ndaluar në stacion.
“Askush nuk ndodhet në gjendje kritike”, tha një zëdhënës i policisë në kantonin zviceran të Urit.
Fatmirësisht treni ishte duke lëvizur me një shpejtësi të ulët me vetëm rreth 20 kilometra në orë në momentin e përplasjes.
