Një aksident mësohet të ketë ndodhur sot në Përrenjas, ku dy makina janë përplasur me njëra-tjetrën, e për pasojë janë plagosur 3 persona, mes tyre një fëmijë.
Burimet bëjnë me dije se në aksident është përfshirë një “Toyota Yaris” dhe një tjetër automjet.
Mësohet se drejtuesi i mjetit Toyota “Yaris”, Amares Zharri 37 vjeç ka qenë duke udhëtuar së bashku me djalin e tij 4-vjeçar, kur ka humbur kontrollin e mjetit dhe është përplasur me një mjet tjetër, që drejtohej nga Dejvis Islami.
Të plagosurit janë dërguar me urgjencë në spitalin e Librazhdit ku janë jashtë rrezikut për jetën.
Policia ka shkuar në vendin e ngjarjes dhe po punon për zbardhjen e shkaqeve dhe rrethanave në të cilat ka ndodhur aksidenti.
