Lagja nr.13 në Durrës është përmbytur nga reshjet e shumta të shiut. Situata e rënduar ka detyruar që banorët të izolohen pasi shiu ka arritur një lartësi 60 cm.
Siç shihet dhe në foto, shkallët e pallatit janë nën ujë dhe e gjithë rruga është mbushur plot për shkak të mosfunksionimit të kanalizimeve dhe kanaleve kulluese.
Disa banorë kanë folur për mediat dhe kanë thënën se sa herë bie shumë shi, ata përballen me këtë situatë.
Ata thonë se prej vitesh kanë bërë kërkesë në bashkinë e Durrësit, që ata të hyjnë të qetë në shtëpitë e tyre. Sipas banorëve janë 17 familje që po vuajnë problemin e përmbytjes së pallateve të tyre.
