Një përleshje me thika ka ndodhur në Lugano mbrëmjen e së premtes mes shqiptarëve dhe italianëve, duke shkaktuar plagosjen e shtatë personave.
“Ngjarja e rëndë ka ndodhur mes të premtes dhe të shtunës, ndërsa agresori ka ikur në drejtim të paditur”, shkruan media zvicerane.
Mes të plagosurve janë tre shqiptarë, tre italianë mes moshave 23 deri 27 vjeç, dhe një 22-vjeçar zviceran.
Njëri është dërguar me ambulancë në spital, ndërsa tjerët kishin plagosje në dorë dhe këmbë. Sipas policisë së Tesinit, të plagosurit ndodhen jashtë rrezikut për jetën.
