Crawford: Eshtë shumë e vështirë t’u themi investitorëve hajdeni
Përfaqësuesit e biznesit të huaj në Shqipëri prej javësh po flasin në mënyrë të drejtpërdrejtë për përkeqësim të klimës së biznesit. Presidenti i Dhomës Amerikane të Tregtisë , Mark Crawford në një takim të FLE ka deklaruar se “Duke dëgjuar kanadezët dhe amerikanët, që po ikin nga sektori i naftës, po mendoja për Albpetrolin, se si mund të investosh aty. Duke parë vështirësinë e situatës, është shumë e vështirë për ne t’u themi investitorëve hajdeni”. Për Crawford investitorët po ikin nga Shqipëria dhe ky është fakt, nuk është më një thashethem, ata po e thonë publikisht që po ikin. Ai tha se kompania Helvet Pacard ka ikur tashmë, ndërsa Bankers Petroleum po përpiqet të largohet (kompania në fakt ka njoftuar shitjen). Gjithashtu koncensionari i naftës Transatlantik Petroleumin erdhi dhe iku brenda një viti. Crawford thotë që pas kësaj kompanie ishte një miliarder amerikan, që “nuk e di pse nuk e morën seriozisht në Shqipëri”. Po kaq të shqetësuar për klimën e biznesit në Shqipëri janë edhe gjermanët.
Presidenti i Shoqatës Gjermane të Industrisë dhe Tregtisë në Shqipëri (DIHA) Rolf Castro-Vasquez, ka thënë për mediat se të martën, kur DIHA do të publikojë Anketimin për Klimën e Biznesit dhe Investimeve në Shqipëri. Sipas tij në vendin tonë ka nevojë të përmirësohet mjedisi i të bërit biznes. Ai thotë se problemi qëndron në faktin se procedurat, dokumentacionet duhet të hartohen në kohë dhe këtu ka shumë vend për përmirësime.
