Dy futbollistë të ekipit të Gjermanisë U-19, Vitali Janelt dhe Idrisa Ture, janë përjashtuar nga ekipi kombëtar si pasojë e një thyerje të rëndë disiplinore gjatë grumbullimit të tyre në ndeshjen ndaj Shqipërisë, në kuadër të kualifikueseve për Kampionatin Europian të 19 vjecarëve.
Bëhet me dije se dy futbollistët e Bundesligë, kishin përdorur nargjile në dhomën e hotelit ku ishin grumbulluar.
Në kohën që ata kanë lënë hotelin për të qënë prezent në ndeshjen Gjermani-Shqipëri të zhvilluar në “Selman Stërmasi”, e harruan të ndezur nargjilen në dhomë dhe kjo shkaktoi ndezjen e një zjarri.
Një incident i tillë ka tërbuar trajnerin e kombëtares gjermane, Frank Kramer, i cili menjëherë pas ndeshjes i ka larguar futbollistët nga grumbullimi duke i kthyer më herët në Gjermani.
