Deputet i i PS, në Shijak, Ilir Ndraxhi ka dëshmuar në prokurori, pasi emri i tij u përmend në përgjimet e Avdylajve, të publikuara nga gazeta gjermane Bild.
Burime bëjnë me dije se Ndraxhi u paraqit në institucionin e akuzës ditën e enjte dhe qëndroi përballë dy prokurorëve Vladimir Mara dhe Dritan Prençi për afro dy orë duke dhënë shpjegimet e tij për çështjen.
Në përgjimet e publikuara nga “Bild” dëgjohet Astrit Avdylaj duke propozuar përfshirjen e Ndraxhit në listën e kandidatëve të PS.
Në përgjime pretendohet që kreu i bandës Avdylaj, Astrit Avdylaj, të ketë ndikuar që Ilir Ndraxhi të futet në vendin e katërt të listës së PS-së në Durrës për zgjedhjet parlamentare të 2017-ës.
