Hetimet për biznesmenin e naftes Rezart Taçin dhe bashkëpunëtorët e tij kanë nxjerrë në dritë përfshirjen e zyrtarëve të lartë të qeverive të Malit të Zi dhe Shqipërisë.
Autoritetet italiane të Palermos kanë zbuluar një pjesë të përgjimeve të Daniele Cestagallit, njërit prej personave të shpallur në kërkim nga SPAK-u, i cili bisedon në telefon se zhbllokimi i llogarive të Zummos në Shqipëri po bëhet nëpërmjet qeverisë shqiptare.
“Puna është kryer, varet vetëm nga kjo copë m***, i cili po mbledh firmat e të gjithë ministrave të qeverisë shqiptare, sepse ndryshe..”, raportojnë mediat italiane.
Prokuroria e Palermos zbuloi se nga disa Banka në Zvicër ishin transferuar në Shqipëri 23 milionë euro, nëpërmjet Fabio Petruzzellas dhe Rezart Taçit.
Kujtojmë se ditën e sotme deputeti i PD, ervin Salianji gati sa nuk u përplas fizikisht me Erion Bracen, pasi e pyeti nëse është ai zv.kryeministri që ka dalë në përgjime. Brace e mohoi të ishte ai duke drejtuar gishtin nga pasardhësi i tij, Arben Ahmetaj.
