Kryetari i Këshillit Kombëtar të PD, Edi Paloka dhe i mandatuari i grupit të Alibeajt, deputeti Gazmend Bardhi janë takuar paraditen e sotme për më shumë se një orë në përpjekjen e parë për të bashkuar partinë dhe për të dalë me një kandidat në zgjedhjet e ardhshme lokale.
Takimi ka nisur pak pas orës 11 dhe përfundoi disa minuta më parë rreth orës 12.20 dhe u zhvillua në një prej lokaleve përballë Parlamentit. Pas takimit, Paloka deklaroi se ka vullnet për të dalë me një kandidat të përbashkët për zgjedhjet pa dhënë në shumë detaje.
“Nuk mund të quhet i dështuar takimi i sotëm. Ka vullnet për të dalë me një kandidat të përbashkët. Ju lutem, kaq për sot, kur të kemi diçka më shumë, do ua them”, tha Paloka.
