Përfundon takimi i kreut të Partsë Demokratike, Lulzim Basha me aleatët në selinë blu.
Pas mbledhjes, kreu i LZHK-së, Dashamir Shehi u shpreh se zgjedhje më 30 qershor nuk do të ketë.
Shehi theksoi se zgjedhjet e 30 qershorit janë të rëna moralisht por edhe me dokumente sepse nuk ka më shumë se 25 kandidatë përballë.
Kreu i LZHK tha do vijojnë protestat dhe aksionet e tjera të opozitës, aksioni opozitar do spostohet në rrugë.
“36 bashki janë pa kandidatë. Kanë rënë moralisht zgjedhjet, do sajojnë kandidatë këto ditë. Që sot po ju lajmërojmë që ka filluar manipulimi zgjedhor. Edhe sikur t’i mbushin plot letrat e veta ne s’do lejojmë zgjedhje më 30 qershor, do ketë 360 gradë aksion.
Kështu që këtu moral më për zgjedhje s’ka, aksioni fatkeqësisht do spostohet në rrugë.
Aksi kryesor është protesta e rrugës, këto do vazhdojnë deri kur të mbërrihet një zgjidhje finale që këtu të bëhen zgjedhje si në gjithë botën. Ky është mesazhi kryesor, këtë diskutuam sot.
Për protestën e rradhës ka shumë alternativa, ne do i analizojmë. Se ne nuk bëjmë protestë për protestë, ne po bëjmë protestë se po shkelen rregullat e lojës’, u shpreh Shehi para kamerave.
