Përfundon procesi i zgjedhjeve dhe numërimit nga Komisioni i Rithemelimit për kryetarët e degës së Partisë Demokratike në disa degë të vendit. Pas numërimit të fletëve të votimit, kryetar i PD-së dega 3 Tiranë u shpall Gëzim Hasan Demushi me 81% të votave.
Komisioni i Organizimit dhe Kontrollit të Operacioneve Elektorale të Partisë Demokratike njofton që është mbyllur procesi zgjedhor për zgjedhjet e PD dega 13 Tiranë. Pas numërimit të fletëve të votimit, Kryetar i PD dega 13 Tiranë u shpall Arsen Kujtim Valisi me 61% të votave.
Komisioni i Rithemelimit deklaron se pas numërimit të fletëve të votimit, fitues në Degën e Gjirokastrës është shpallur Eris Shahin Shehaj, me 53% të votave.
Ndërkaq, Komisioni i Organizimit dhe Kontrollit të Operacioneve Elektorale të Partisë Demokratike njofton se është mbyllur procesi zgjedhor për zgjedhjen e PD dega Përmet.
Gjithashtu procesi ka përfunduar edhe në Tepelenë, ku kryetar është shpallur Malo Hydai Sadikaj. Pas numërimit të fletëve të votimit, kryetar i Partisë Demokratike dega Përmet u shpall Arson Kleanthi Lipe me 81 % të votave. Edhe në Memaliaj ka përfunduar procesi, ku fitues është shpallur Bujar Pasho Kapllani.
