Sapo ka përfunduar ndeshja miqësore e parë në “Loro Boriçi” mes Shqipërisë dhe Marokut në barazimin 0-0. Loja nisi me skemën 4-3-3, por trajnieri De Biazi ndërroi lojë në pjesën e dytë ku luajti me skemën 3-5-2 duke provuar skema të reja. Sfida kundër Marokut ishte një ndeshje e fort dhe një kundërshtar i denjë. Miqve iu anulua edhe një gol në këtë takim për shkak të një pozicioni jashtë loje.
Shqipëria bëri një lojë të mirë por pa shënuar e kërkoi disa herë golin, por nuk arriti që të shënonte.
Në minutën e 25 kuqezinjtë kishin një rast të mirë për të shënuar. Cikalleshi brenda zone nuk arrin të devijojë siç duhet topin. Gjatë ndeshjes pati një mori ndërrimesh, tekniku italian bëri 5 ndërrime njëherësh, duke patur rastin ti provonte të gjithë futbollistët që kishte në gadishmëri, por edhe për të vendosur 11-shen më të mirë për ndeshjen e eleminatores kundër Maqedonisë.
Sfida me Marokun u komentua si testi i parë për Shqipërinë, para nisjes së ndeshjeve eliminatore në Rusi 2018, për të cilën ndeshja e parë do të luhet po në Shkodër ndaj Maqedonisë pas 5 ditësh.
