Ka përfunduar mbledhja e Byrosë së Kuvendit, e vila ka shqyrtuar kërkesën e grupit Parlamentar të PS-së, për përjashtimin e ish-kryeministrit Sali Berisha dhe Kryedemokratit Lulzim Basha.
Në dalje nga mbledhja deputetja socialiste Vasilika Hysi, u shpreh se Byorja ka vendosur që t’i tërheqë vëmendjen edhe Lulzim Bashës edhe Sali BErishës për gjuhën e përdorur në Kuvend.
Më tej ajo u bëri thirrje palëve që në sesionin e ri parlamentar t’i jepet fund gjuhës së urrjejtes.
“U diskutua dhe u vendos tërheqja e vëmendjes për Luzlim Bashën dhe për deputetin Sali Berisha, duke pasur parasysh edhe moshën për Berishën. Kërkojmë që Berisha t’i japë fund gjuhës së përçarjes ndaj shqiptarëve në seancat e radhës. Kërkesa për deputetin Edi Rama rezultoi se nuk përmbante gjuhë të urrejtjes apo shkelje të etikës dhe kërkesa është rrëzuar. Flamur Noka dhe Gent Strazimiri janë përjashtur për 10 ditë nga seancat dhe komisionet parlamentare”– tha Vasilika Hysi.
Kujtojmë se Berisha teksa paralajmëroi qeverinë duke thënë se nuk është e largët koha kur mund të dëgjohen në rrugë të dëgjohen vargjet: “O djema rrëmbeni armët, ja vdekje ja liri”, grupi i PS-së e quajti thirrje për veprime të dhunshme. Ndërkohë Lulzim Basha reagoi ashpër kur kreu i grupit parlamentar të Partisë Socialiste Taulant Balla, përmendi emrin e vajzës së kryedemokratit, ndërsa e akuzoi se ka lidhje familjare me firmën “Victoria Invest”.
Deklarata e kreut të grupit të PS dhe përmendja e emrit të vajzës së kryetarit të PD-së, ka sjellë reagimin e ashpër të Lulzim Bashës. Në replikën e tij, iu drejtua Taulant Ballës me këto fjalë: “Instikti i parë është instikti i prindit. Dhe për atë që bëre këtu, instikti i parë ishte të të fusja një grusht. Por u ndala nga dy gjëra. E para e punës, që të prekësh m*tin bëhesh vetë pis. E dyta, nuk do të arrija dot t’i përcillja qytetarëve tre pika. A kuptuat gjë ju pse nuk e votojnë Vettingun”?
