Të gjitha lagjet rreth qendrës së Tiranës do të kenë një shërbim më të mirë të furnizimit me ujë të pijshëm. Punimet janë kryer përgjatë rrugës “Abdi Toptani” deri në qendër, duke bërë të mundur ndërtimin e një linje të re të furnizimit me ujë.
Në këtë hapësirë të kryeqytetit janë kryer investime hidroteknike prej UKT-së, në mënyrë që të shtohet kapaciteti i transmetimit dhe cilësia e furnizimit me ujë.
Ky investim lidh në këtë mënyrë edhe pjesën e qendrës së Tiranës me linjën kryesore të transmetimit të ujit që u ndërtua një vit më parë përgjatë rrugës “George W Bush” dhe përgjatë unazës.
