Prokuroria pranë Gjykatës së Shkallës së parë Durrës ka dërguar për gjykim të pandehurin A.Th., i akuzuar se ka kryer veprën penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale”.
Në funksion të hetimit të këtij procedimi penal, me vendimin nr. 245/5 datë 26.05.2022 të Gjykatës së Shkallës së Parë Durrës është vendosur caktimi i masës së sigurimit pasuror sekuestro preventive për vlerën 498.850 Euro, të cilat janë konstatuar gjatë kontrollit në skaner të kamionit tip Renault me targë TR2046U dhe TR2048U.
Paratë u gjetën të fshehura në urën lidhëse të kamionit dhe rimorkios në pesë pako me përmasa të ndryshme të lidhura me një tel dhe një litar me gjatësi 9 metër, të cilat nuk qenë deklaruar në pikën e kalimit kufitar.
Kamioni ku u gjetën të fshehura paratë e padeklaruara lëvizte shpesh në linjën detare Durrës-Bari dhe Bari-Durrës për të transportuar nga Italia drejt Shqipërisë materiale më lëndë të parë për fasoneritë e prodhimit të këpucëve.
Tashmë hetimet kanë përfunduar dhe pritet të nisë gjykimi për 56-vjeçarin nga Tirana.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
