23 persona të arrestuar në vitin 2017 për trafik droge në Itali do të dalin së shpejti në gjyq pas përfundimit të hetimeve të Prokurorisë së Brindizit për transport dhe shitje të marijuanës dhe hashashit.
Njësia e Zbulimit të Brindizit arriti nëpërmjet përgjimeve të zbulonte rrjetin e madh të trafikut të lëndëve narkotike në dy akse Brindizi-Bari dhe Brindizi-Ankona.
Mes të ndaluarëve janë dhe disa shtetas shqiptarë, të cilët rezultojnë të kenë qenë pjesëmarrës aktiv në qarkullimin dhe shitjen e lëndës narkotike. Forcat policore të Brindizit kanë regjistruar 17 raste të shitjes së drogës.
Dy vite më parë, në 9 maj 2017, karabinierët italianë ndaluan dy korrierë të rinj dhe në mënyrë zinxhire u bë i mundur zbërthimi i të gjithë rrjetit të trafikut të drogës në akset Brindizi-Ankona dhe Brindizi-Bari.
Të arrestuarit janë: (14 në Brindizi, ndërsa 9 të tjerët janë kapur në qytete të tjera të Italisë) A.B., shqiptar, 23 vjeç; R.C., 24 vjeç; L.C., 37 vjeç; C.C., 30 vjeç; D.D.F., vjeç; C.G., 56 vjeç; S.I., 23 vjeç; M.L., 22 vjeç; F.O., 24 vjeç; T.R., 37 vjeç; A.S., 21 vjeç; C.V., 23 vjeç; F.B., 29 vjeç, shqiptar; X.H., 28 vjeç shqiptar.
Dy persona të tjerë janë nga Ankona: M.B., 24 vjeç dhe L.E., 22 vjeç.
3 banues në Katania: V.F., 25 vjeç, shqiptar; C.L., 23 shqiptar; V.S., 37 shqiptar. Pastaj vijnë G.F., 36 vjeç, nga Leçe, A.F., 27 vjeç, nga Shqipëria dhe G.S., 40 vjeç, nga Erkie.
