Ministria e Financave ka kërkuar nga Prokuroria hetim për Drejtorin Rajonal të Tatimeve në Kukës, Albert Halilaj.
Halilaj akuzohet nga ministrja teknike Helga Vukaj për pjesëmarrje në fushatën elektorale.
Ministria e Financave në një njoftim për mediat sqaron se “ka informuar Prokurorinë pranë Gjykatës së Shkallës së Parë Kukës, që në ushtrim të funksionit kushtetues të ndjekjes penale, të kryejë veprimet e nevojshme për hetimin, e z. Albert Halilaj, Drejtor Rajonal i Tatimeve në Kukës. Nisur nga informacionet, Z. Halilaj, rezulton të jetë përfshirë në mënyrë të drejtpërdrejtë në fushatë elektorale, në kundërshtim flagrant me ligjet në fuqi si dhe me VKM nr. 473, dt. 01.06.2017.”
Ministria e Financave u bën apel të gjithë punonjësve të institucioneve të varësisë që të zbatojnë me përpikmëri detyrat funksionale në përputhje me legjislacionin në fuqi.
