Një automjet është përfshirë nga flakët ditën e sotme në Elbasan. Ngjarja ka ndodhur rreth orës 3:00 të mëngjesit të sotëm në një rrugë në lagjen Visarion Xhuvani.
Bëhet me dije se zjarri shpërtheu në pjesën e përparme të automjetit dhe u përhap me shpejtësi. Në vendin e ngjarjes kanë mbërritur zjarrfikësit, të cilët kanë ndërhyrë për të fikur zjarrin duke shpëtuar edhe automjetet e tjera që ishin të parkuara aty pranë.
Nuk dihen shkaqet e shpërthimit të zjarrit. Megjithatë grupi hetimor ka ngritur edhe pistën e zjarrvënies me qëllim.
