Real Madridi vazhdon operacionet në merkaton e transferimeve duke pasur parasysh edhe mundësinë e marrjes së miliona eurove nga mos-regjistrimi i një futbollisti në listën UEFA, nga ana e një klubi të njohur italian.
Drejtuesit e klubit “merengue” e kanë kuptuar se mund të marrin një shifër afër 8 milionë eurove këtë verë. Edhe pse nuk parashikohen më largime nga Santiago Bernabeu, kjo hyrje e papritur mund të vijë nga Italia falë Fiorentinës. Skuadra “viola” ka në organikë një futbollist që nuk ka vend në klubin e bardhë: Luka Jovic.
Sulmuesi serb nënshkroi për 60 milionë euro në verën e vitit 2019 dhe nuk pati kurrë mundësi të shkëlqejë në fanellën e Real Madridit. Aventura e tij në Bernabeu nuk pati aspak shkëlqimin që pritej dhe përfundoi verën e kaluar, në vitin 2022, kur u transferua te Fiorentina. Sezoni 2022-23 u konsiderua një dështim nga italianët, përsa i përket ecurië së Jovic me klubin.
Në këtë mënyrë, Luka Jovic nuk është regjistruar në listën e UEFA-s nga Fiorentina, e cila këtë sezon luan në Conference League, falë përjashtimit të Juventusit nga kompeticionet evropiane.
Sipas gazetës spanjolle “AS”, ata nuk e kanë në konsideratë sulmuesin ballkanas dhe janë në pritje të ofertës për të, mundësisht nga Serbia ose Turqia. Edhe pse për momentin nuk ka oferta, në Itali tashmë kanë vendosur çmimin për mbylljen e operacionit.
Media të ndryshme evropiane kanë treguar se Luka Jovic mund të largohet nga kutia e purpurt këtë verë për një çmim midis 12 dhe 16 milionë euro. Sipas marrëveshjes së nënshkruar mes dy subjekteve vitin e kaluar, Luka Jovic shkoi në Itali si lojtar i transferuar, por Real Madridi mbajti 50 % të të ardhurave nga një shitje e ardhshme.
Edhe pse momenti në të cilin Fiorentina nxori në shitje Luka Jovic dukej i largët, tani është më afër se kurrë për t’u bërë realitet. Rënia e sulmuesit 25-vjeçar serb, është shumë e dukshme. Ai mund ta mbyllë karrierën e tij duke luajtur në ligat e nivelit mesatar, duke kërkuar ende një vend në mesin e më të mirëve në Evropë pas një periudhe mjaft zhgënjyese te Real Madridi.
