Dueli i mbijetesës ka përfunduar me fitoren e Egnatias me rezultatin 2-1 në stadiumin “Arena Egnatia”, e vlefshme për javën e 22-të në Kategorinë Superiore.
Pas një pjese të parë tepër të ekuilibruar dhe pa raste të rrezikshme, kjo e fundit ndodhi në fraksionin e dytë të lojës ku pas disa rasteve ishte Egnatia që fitoi një penallti duke e shndërruar në gol, Gëzim Krasniqi.
Sërish ishte 11-metërshi ai që u bë vendimtar në Rrogozhinë ku Bledar Lila shkakton penallti. Nga pika e bardhë ka shënuar Kaina Nunjesh në minutën e 75′, duke rikthyer sërish baraspeshën.
Më pas goli për “infrakt” ishte në minutën e 90′ ajo e Ilirid Ademit, i cili rezultoi vendimtare për fatet e takimit për mbijetesë. Tensioni nuk përfundoi teksa me karton të kuq u ndëshkua dhe Artur Magani.
Kjo fitore e dërgon Egnatian në vendin e 7 me 22 pikë, ndërsa Kastrioti në vendin e parafundit në kuotën e 18 pikëve.
90+5 Artur Magani ndëshkohet me karton të kuq pas disa protestave.
90+3′ Momente tensioni në dy kampet, kryesori Hamiti qetëson gjithçka!
90′ Arbitri i katërt, Florjan Lata ka akorduar 5 minuta shtesë!
90′ GOOOL EGNATIA 2-1! Shpërthen festa në Rrogozhinë! Ilirid Ademi kalon në avantazh skuadrën rrogozhionase pas një goditje me kokë nga goditja e dënimit.
78′ Egnatia kryen një tjetër zëvendësim ku largohet Skerdilajd Levendi për t’i bërë vend Dzon Delarzh.
75′ GOOOOL KASTRIOTI 1-1! Rikthehet baraspesha, teksa Kaina Nunjesh ka barazuar rezultatin nga pika e bardhë e penalltisë.
73′ Penallti për Kastriotin, Bledar Lila ka prekur topin me dorë dhe për kryesorin Eldorjan Hamiti nuk ka dyshime është 11-metërsh, ku edhe në dhomën e sistemit VAR konfirmohet 11-metërshi.
72′ Egnatia kryen zëvendësim teksa largohet tërësisht në “hije” Pedro Augusto për t’i bërë vend Artur Maganit.
67′ Shpërthejnë protestat, krutanët kërkojnë penallti pas një prekje të topit me dorë nga ana e Besart Krivanjevës.
58′ GOOOL EGNATIA 1-0! Ka festë në “Arena Egnatia”! Zhbllokohet sfida, Gëzim Krasniqi kalon në avantazh rrogozhinasit me penallti.
57′ Ka penallti për Egnatian, teksa Hamiti ka vërshëllyer për 11-metërsh ku Husein ka shkaktuar faull brenda zonës ndaj Duranskit.
47′ Pasiguria në mbrojtjen krutane, krijohet iluzioni i golit teksa Ilirid Ademi godet portën, por topi ka përfunduar jashtë.
46′ Nisin 45 minutat e dyta të takimit!
PËRFUNDON PJESA E PARË!
45′ Arbitri i katërt, Florjan Lata ka akorduar 2 minuta shtesë!
44′ Silvio Zogaj ndëshkohjet me karton të verdhë pas një faulli të shkaktuar.
43′ Ndizet sfida! Sokol Neziri dhe Ilir Allmuça debatojnë me njëri-tjetrin pas një faulli të shkaktuar. Arbitri kryesor, Eldorjan Hamiti ul gjakrat teksa i thërret të dy lojtarët për t’i këshilluar për herë të fundit.
35′ Skuadrat nuk janë duke rrezikuar, teksa loja është e përqendruar në mesfushë në një lojë tepër të ekuilibruar.
23′ Sokol Neziri ndëshkohet me karton të verdhë pas një ndërhyrje në dëm të kundërshtarit.
22′ Egnatia jep “sinjalin” e parë të takimit, ku një aksion model për pak sa nuk u konkretizua me gol, teksa Xhekson pason në zonë dhe mbrojtësit e Kastriotit me fat largojnë topin jashtë dhe për pak sa nuk shkaktuan një autogol. Ndërsa anësori ka dhënë pozicion të parregullt për Xhekson.
15′ Filip Duranski bëhet lojtari i parë i sfidës që ndëshkohet me karton të verdhë, pas një ndërhyrje nga prapa në dëm të kundërshtarit.
9′ Sokol Neziri këshillohet nga arbitri me stemën e FIFA-s, Eldorjan Hamiti pasi lojtari i Kastriotit largoi topin në formë proteste pas një faulli të shkaktuar.
7′ Bedri Greca ka provuar të surprizojë teksa provon nga jashtë zone, por topi ka qenë i lehtë dhe jo i saktë duke përfunduar jashtë.
5′ Loja ka nisur e ekuilibruar, ku skuadrat deri tani nuk kanë provuar për të qenë të rrezikshme.
1′ Starton sfida!
FORMACIONET ZYRTARE –
EGNATIA – Puja; Allmuça, Krasniqi, Krivanjeva, Duranski; Agbekpornu, Levendi, Lila; Xhekson, Pedro Augusto, Ilirid Ademi. Trajner: Zekerija Ramadani.
KASTRIOTI – Sali; Neziri, Selmani, Husein, Rami; Onanuga; Greca, Hasani, Basha, Zogaj; Kaina Nunjesh. Trajner: Emiljano Çela.
ARBITRAT E NDESHJES –
Arbitër kryesor – Eldorjan Hamiti (Lezhë)
Asistent i parë – Ilir Tartaraj (Fier)
Asistent i dytë – Orgest Grabova (Fier)
Arbitër i katërt – Florjan Lata (Durrës)
VAR – Kridens Meta (Tiranë)
AVAR – Marjus Qose (Lushnje)
