Policia e Peqinit ka arrestuar një 63 vjeçar, pasi tenton të vrasë me armë zjarri një 56 vjeçar.
Ngjarja është regjistruar ditën e djeshme në fshatin Lisnajë. Gjatë kontrollit fizik 63-vjecarit i gjendet dhe i sekuestrohet një armë zjarri (pistoletë) tip TT dhe një krëher me 7 fishekë.
Arrestimi i shtetasit Mersin Lika banues në fshatin Lisnajë Përparim, u bë pas një konflikti për motive të dobëta ka qëlluar me armë zjarri në drejtim të 56-vjeçarit me inicialet R.K.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Vrasja me dashje, e mbetur në tentativë” dhe “Prodhimi dhe mbajtja pa leje e armëve luftarake dhe e municionit” parashikuar nga nenet 76, 22 dhe 278/2 të Kodit Penal.
