Mjeti tip “Volkswagen Pasat” drejtuar nga 40 vjeçari Resat Mehmeti, ka dalë nga rruga duke përfunduar në kanalin që vjen nga Bishqemi për në Kavajë.
Për pasojë, ka gjetur vdekjen shtetasja Pranvera Mehmeti, 31 vjeçe banuese në Peqin, motra e drejtuesit të mjetit, ndërsa ka mbetur e plagosur shtetasja N.D., 51 vjeçe, banuese në Maqedoni, tezja e drejtuesit të mjetit, e cila ndodhet në spital në gjendje të rëndë shëndetësore.
Ndërsa Xh.D., 21 vjeçe banuese në Maqedoni, K.M., dhe E.M., 8 dhe 6 vjeçe banuese në Peqin, ndodhen jashtë rrezikut për jetën.
Drejtuesi i mjetit është shoqëruar në Komisariatin e Policisë Peqin për veprime të mëtejshme.
