Komiteti i Jashtëm në PE diskuton sot edhe për Reformën në Drejtësi. Eurodeputetët kanë theksuar rëndësinë e miratimit të reformës më 21 korrik, pasi sipas tyre një vonesë në këtë drejtim do të dëmtonte procesin e negociatave Shqipëri-BE për integrimin e vendit.
Komisioneri për Zgjerim Johannes Hahn bëri një apel të qartë dy ditë para votimit në Kuvend të reformës në drejtësi, kur tha se reforma duhet të miratohet patjetër të enjten, ndryshe minohet perspektiva evropiane.
Duke shpresuar në një votim ditën e enjte, komisioneri nuk e përjashtoi edhe mundësinë e një referendumi, pasi tha se 99% e shqiptarëve e duan reformën në drjetësi.
“Vitin që vjen në Shqipëri do mbahen zgjedhjet, është shumë e rëndësishme që kjo reformë të miratohet, nuk ka më kohë për të humbur, afati përfundimtar është para pushimeve verore. Do monitorojmë zbatimin e reformës. Duhet të ketë gjykatës e prokurorë të përshtatshëm”,- tha ai.
“Të enjten duhet marrë një vendim patjetër nuk duhet të humbni më shumë kohë, nëse nuk merret vendim ka mundësi të kalohet në referendum, pasi besoj se 99% e shqiptarëve e duan këtë reformë. Do jetë negative nëse nuk miratohet reforma, ka pasur shtyreje negociatash, do minohet perspektiva evropiane, do ketë probleme dhe efekte negative”,- tha ai.
Brok: Nëse do vonohet reforma në drejtësi, nuk mund ta pranojmë
Eurokomisioneri Brok tha se ende asgjë nuk është e sigurt për reformën, ndonëse janë zhvilluar bisedime me të gjithë aktorët politikë.
“Ka theksuar se reforma në drejtësi është shumë e rëndësishme për zhvillimin e negociatave Shqipërinë-BE. Vitin e ardhshëm do të ketë zgjedhje në Shqipëri, por ka patur hezitime sa i takon reformës në gjyqësor.
Pas 21 korrikut do të shohim sesi do të vazhdojnë zhvillimet. Nëse nuk do të vonohet reforma në drejtësi, besojmë se nuk do të mund të vonohemi më lidhur me këtë çështje. Janë zhvilluar bisedime me partitë në koalicion, me liderin e opozitës, me ambasadorët e SHBA e BE, është biseduar me presidentin. Duket sikur është arritur një kompromis, por asgjë nuk është ende e sigurt. Komisioneri Hahn është përgjegjës për këtë. Kemi përcjellë një mesazh të veçantë, dhe besojmë se do të arrihet në një marrëveshje”, tha Brok.
Në fokus do të jenë edhe diskutimet për situatën në Turqi dhe Francë.
Në fillim të mbledhjes është mbajtur një minutë heshtje për viktimat në Francë. Bashkimi Europian ka shprehur mbështetjen dhe solidaritetin ndaj Francës.
Ndërkaq është përmendur edhe një ngjarje të ndodhur në Gjermani, ku një person ka vrarë me sëpatë disa persona në një tren..
