Partia për Drejtësi Integrim dhe Unitet përmes një postimi në Facebook ka dërguar një urim vëllezërve dhe motrave kosovarë me rastin e 11-vjetorit të Pavarësisë së Kosovës.
Postimi i plotë
Urime Kosovë!
Nderime për Adem Jashari dhe familjen e tij, për sakrificën sublime që kanë bërë për Kosovën.Pas 28 Nëntorit, kjo është data më e rëndësishme historike për shqiptarët duke i dhënë fund një shekulli të gjatë e të mundimshëm vuajtje nën robëri të Kosovës. Këtë ngjarje të shënuar e konsideron veçanërisht të shtrenjtë shqiptarët e Çamërisë të cilët duke e patur ende plagën e hapur, i kuptojnë më së miri vështirësitë dhe dhimbjet që kanë kaluar kosovarët. Sot ne të gjithë gëzohemi dhe krenohemi kur shohim Kosovën që ecën përpara me hapa të sigurtë, dhe jemi të bindur se Republikën e Kosovës e pret një e ardhme e shkëlqyer. PDIU-ja e ka prioritet të saj programor zgjerimin dhe thellimin e lidhjes vëllazërore mes Tiranës dhe Prishtinës, duke synuar që kufijtë mes shqiptarëve që na janë imponuar, të shndërrohen në formalitet dhe duke dëshiruar që sa më shpejt të shkojmë bashkë drejt integrimit në BE.
????????????????????
https://www.facebook.com/284923454880724/posts/2262657113774005/
