Grupi Parlamentar i PD vendos të kushtëzojë konsensusin për Reformën në Drejtësi me zbatimin vendimeve të Gjykatës Kushtetuese. Partia Demokratike ka vendosur kështu që të votojë reformën në fjalë vetëm në rast se Kuvendi do të çojë në Gjykatën Kushtetuese edhe mandatet e dy deputetëve të tjerë të PS-së, Valentina Leskaj e Rakip Suli.
PD kërkon të ndiqet precedenti i mandatit të Koço Kokëdhimës, për të cilin shumica votoi pro vendimit që kërkesa e opozitës të kalojë në Kushtetuese.
Vendimi i PD-së është marrë në mbledhje e sotme të grupit parlamentar zhvilluar në mesditë.
