Komisioni i Rithemelimit, struktura e ngritur nga ish-kryeministri Sali Berisha, ka zhvilluar këtë të diel primaret për përcaktimin e kandidatëve të saj për zgjedhjet e pjesshme vendore në 6 bashki të vendit.
Në Shkodër kandidati fitues ishte Bardh Spahia, në Vorë Luan Gani, në Dibër Premtim Kryemadhi, në Durrës Ardian Muka ndërsa në Lushnje Elton Bano. Ndërkohë në Rrogozhinë u shpall fitues kandidati Hekuran Xhami, me 211 vota.
Për këto zhvillime ka reaguar Partia Demokratike, e cila i ka konsideruar të rreme zgjedhjet primare të zhvilluara nga Komisioni i Rithemelimit për përcaktimin e kandidatëve në zgjedhjet e pjesshme vendore.
Me anë të një postimi në faqen e Facebook, PD thotë se partia e Berishës dhe e Ramës dështoi që në nisje.
“Partia e Berishës dhe Ramës dështoi që në nisje: Primare të rreme. Lajme të rreme. Parti e rreme. Zgjedh Ramën, mban Berishën. Zgjedh Berishën, mban Ramën” – thuhet në deklaratën e PD-së.
Komisioni i Rithemelimit ka zhvilluar këtë të diel primaret për përcaktimin e kandidatëve të saj për zgjedhjet e pjesshme vendore në 6 bashki të vendit. Në Shkodër kandidati fitues ishte Bardh Spahia, në Vorë Luan Gani, në Dibër Premtim Kryemadhi, në Durrës Ardian Muka ndërsa në Lushnje Elton Bano. Pritet rezultati në Rrogozhinë.
