Pas vendimit të Prokurorisë në lidhje me çështjen e kryebashkiakut të Matit, Agron Malaj, ka reaguar sërish këtë të premte Partia Demokratike.
Përmes një letre që mban firmën e Sekretarit të Përgjithshëm të PD, Gazment Bardhi dërguar ambasadores së SHBA-së Yuri Kim dhe ambasadorit të BE, Luigi Soreca, kërkojnë shkarkimin e Agron Malaj.
PD i bën thirrje Komisionit Qëndror të Zgjedhjeve të mblidhet dhe t’i heqë mandatin kryebashkiakut Malaj, pasi sipas kësaj force politike, është subjekt i ligjit të Dekriminalizimit.
Kujtojmë se tre ditë më parë Prokuroria ka mbyllur hetimet në lidhje me këtë ccështje, duke theksuar se ai ka qenë i dënuar, por ligji nuk e penalizon të ushtrojë detyrën.
