Partia Demokratike dega Kukës ka paditur pranë prokurorisë së rrethit verilindor komisionerët e zgjedhjeve të 30 Qershorit me akuzën se kanë kryer krime zgjedhore.
Sipas padisë së PD-së gjatë zgjedhjeve të 30 qershorit është votuar edhe për qytetarë të ndryshëm të cilët ditën e zgjedhjeve nuk ndodheshin fare në Shqipëri.
PD kërkon sekuestrimin e listave të qytetarëve që kanë marrë pjesë në zgjedhje si dhe të hetohet sistemi TIMS me anë të të cilit të provohet nëse qëndrojnë akuzat e ngritura.
PD akuzon gjithashtu se në Kukës ka dalë numër më i lartë fletëvotimesh sesa numri i votuesve.
