Zëdhënësesja e Partisë Demokratike Ina Zhupa, në një dalje pë mediat kërkon transparencë dhe hetim për pasurimin e papritur të deputetit Alfred Pezës.
“Në të vërtetë, skandali i pasurisë 1 miliardë e 100 milionë lekë të deputetit Alfred Peza, tregon pellgun e madh të korrupsionit të kësaj maxhorance. Miliardat e Pezës janë vetëm pjesa e dukshme e miliardave që kanë përfituar deputetë, ministra e njerëz të afërt me Edi Ramën, qysh ditën e parë që erdhën në pushtet. Kur Alfred Peza ka arritur në pak vite të shumëfishojë pasurinë e tij, përfytyroni sa miliarda ka bërë Ilir Beqaj, Damian Gjinknuri, Saimir Tahiri, Arben Ahmetaj, Erjon Veliaj. Po Edi Rama, tek i cili dorëzohet haraci më i madh? Miliardi i Pezës meriton hetim të shpejtë e serioz, po përvec kësaj është dëshmia më e pastër se sa dhjetra miliardë kanë vjedhur Edi Rama e të tijtë në këto 3 vite e gjysëm”, tha Zhupa.
